ఎస్ వి క్రియేషన్ పతాకంపై తేజేశ్వర్ కథానాయకుడిగా నటిస్తూ దర్శకత్వం వహించిన ”మిషన్ సి 1000” సినిమా ఫస్ట్ లుక్ ను కాశ్మీర్ ఫైల్స్ నిర్మాత అభిషేక్ అగర్వాల్ ఆవిష్కరించారు. తెలుగు, హిందీ భాషల్లో నిర్మించిన ఈ సినిమా షూటింగ్ పూర్తి చేసుకుని , ప్రస్తుతం పోస్ట్ ప్రొడక్షన్ పనులు జరుపుకుంటోంది. శ్రీధర్ ఆత్రేయ సంగీతం సమకూర్చిన ఈ సినిమాలో మొత్తం మూడు పాటలు ఉన్నాయి. హిందువుల ఆరాధ్య దైవమైన శ్రీరాముడిపై చిత్రీకరించిన పాట ఈ సినిమాలో హైలెట్ గా నిలుస్తుందని నటుడు, దర్శకుడు తేజేశ్వర్ ఆశాభావం వ్యక్తం చేశారు.
ప్రముఖ నిర్మాత, జాతీయ అవార్డు నిర్మాత అభిషేక్ అగర్వాల్ మా సినిమా ఫస్ట్ లుక్ ను ఆవిష్కరించడం ఎంతో సంతోషంగా ఉందని, ఈ సందర్బంగా అభిషేక్ అగర్వాల్ కు మనస్ఫూర్తిగా కృతజ్ఞతలు తెలుపుకుంటున్నామని తేజేశ్వర్ అన్నారు. బెంగళూరుకు చెందిన ప్రగ్య నయన్ హీరోయిన్ గా నటించింది. ఆరాధ్యదేవుడు రాముడిపై చిత్రీకరించిన పాటను త్వరలోనే విడుదల చేస్తామని నిర్మాత టి. విరాట్ అండ్ సుహాసిని తెలిపారు. త్వరలోనే సినిమాను ప్రేక్షకుల ముందుకు తీసుకురావడానికి ప్రయత్నాలు చేస్తున్నామని టి.విరాట్ అండ్ టి.శౌర్య అన్నారు.