ఫోన్ల తయారీ కంపెనీ వివో తన కొత్త ఫోన్‌ను విడుదల చేయడానికి సిద్ధమైంది. కంపెనీ దీని వివో V60 పేరిట దీని తీసుకురానున్నది. ఈ స్మార్ట్ ఫోన్ ఆగస్టు 12న మధ్యాహ్నం 12 గంటలకు భారత మార్కెట్లో లాంచ్ అవుతుందని కంపెనీ తన సోషల్ మీడియా ప్లాట్‌ఫామ్ వివో ఇండియా వెబ్‌సైట్ ద్వారా వెల్లడించింది. ఇండియాలో ఈ ఫోన్ గోల్డ్, మిస్ట్ గ్రే, మూన్‌లైట్ బ్లూ మూడు రంగులలో అందుబాటులో ఉంటుందని వివో ఇండియా ఫోన్ మైక్రోసైట్‌లో టీజ్ చేసింది. కాగా ఈ ఫోన్ ఫ్లిప్‌కార్ట్ ద్వారా కొనుగోలుకు అందుబాటులో ఉంటుంది. ఇప్పటివరకు వెల్లడైన వివరాలను చూద్దాం.
పరికరం 6.67-అంగుళాల 1.5K AMOLED డిస్‌ప్లేను పొందవచ్చు. ఇది 120Hz రిఫ్రెష్ రేట్, 1,300 నిట్స్ పీక్ బ్రైట్‌నెస్‌ను అందించగలదు. దీనికి క్వాడ్-కర్వ్డ్ డిస్‌ప్లే ఉంటుంది. ఈ పరికరం స్నాప్‌డ్రాగన్ 7 Gen 4 ప్రాసెసర్ ద్వారా శక్తిని పొందుతుందని వివో ధృవీకరించింది. ఇది ఆండ్రాయిడ్ 15 ఆధారిత FuntouchOS 15 తో వస్తుంది. భద్రత కోసం, దీనికి ఇన్-డిస్‌ప్లే ఫింగర్‌ప్రింట్ సెన్సార్ ఉంటుంది.
కెమెరా గురించి మాట్లాడితే..ఈ స్మార్ట్‌ఫోన్‌లో Zeiss-బ్రాండెడ్ 50-మెగాపిక్సెల్ టెలిఫోటో కెమెరా ఉంటుంది. ఇది 10x జూమ్‌కు మద్దతు ఇస్తుంది. ఇది మల్టీఫోకల్ పోర్ట్రెయిట్ మోడ్‌లను కూడా కలిగి ఉంటుంది. డిజైన్ ప్రకారం, ఇది ట్రిపుల్ రియర్ కెమెరా సెటప్‌ను కలిగి ఉంటుందని భావిస్తున్నారు. ఈ మొబైల్ జెమిని లైవ్ వంటి గూగుల్ జెమిని ఫీచర్లకు సపోర్ట్ ఇస్తుంది. ఇతర AI సాధనాల విషయానికి వస్తే ఇందులో AI క్యాప్షన్‌లు, AI స్మార్ట్ కాల్ అసిస్టెంట్ కూడా అందుబాటులో ఉండనున్నాయి. డస్ట్, వాటర్ నీటి నిరోధకత కోసం ఫోన్ IP68, IP69 సర్టిఫికేషన్‌తో వస్తుందని వివో వెల్లడించింది. ఈ ఫోన్ 6,500mAh బ్యాటరీతో 90W వైర్డు ఫాస్ట్ ఛార్జింగ్‌కు మద్దతు ఇస్తుంది.