2024 సంవత్సరంలో కొన్ని రాశుల వారికి పట్టిందల్లా బంగారమే అన్నట్లుగా ఉంటుంది. వీరు తలచుకునే ఏ కార్యక్రమమైనా విజయవంతమే. డబ్బుకు కొదవ లేకుండా ఉంటుంది. ఊహించని ఉద్యోగావకాశాలతో పాటు, వ్యాపారరంగాలలో రాణిస్తారు. వివాహాది శుభకార్యాలు జరుగుతాయి. ఇంతకీ ఈ రాశులు ఏమిటని ఆలోచిస్తున్నారా? అవే మకర, కుంభరాశులు. ఈ రెండురాశుల వారికి మనోబలం పెరిగి సంకల్పసిద్ధి జరుగుతుంది. విశేష గౌరవం, సన్మానాలు, కొన్ని అవార్డులు దక్కించుకుంటారు. ఎటువంటి సమస్యనైనా అవలీలగా పరిష్కరించుకుంటారు.
ఇక వృషభం, మిథునం, కర్కాటకం, కన్య, తులా రాశులకు కూడా అన్ని విధాలుగా కలసివచ్చే సమయం. వీరు కూడా అన్నింటా విజేతలుగా నిలుస్తారు. మిగిలిన మేషం, సింహం, వృశ్చికం, ధనుస్సు, మీనరాశుల వారు కొన్ని జాగ్రత్తలతో ముందడుగు వేయడం ఉత్తమం. ముఖ్యంగా మేషం, సింహం, వృశ్చికరాశుల వారికి ప్రతిక్షణం ఒత్తిడులు, సమస్యలు, మానసిక అశాంతి వంటివి ఎదురవుతాయి. ఆత్మవిశ్వాసంతో ఉండడం అవసరం. ఇక దేశంలో పరిస్థితులు కొంత అలజడిగా ఉంటాయి. పాలకుల పరస్పర విభేదాలు, పొరుగు దేశాల నుండి అణ్వస్త్ర భయాలు, ప్రభుత్వాలలో స్థిరత్వం లోపించడం, వింతవ్యాధులతో కలవరం, భూకంపాది ప్రమాదాలు, రసాయన పదార్ధాల వల్ల కొన్ని ప్రాంతాలలో ఇబ్బందికర పరిస్థితులు ఎదురవుతాయి.