అదరగొట్టిన ఎన్టీఆర్, హృతిక్.. ‘వార్‌ 2’ నుంచి క్రేజీ సాంగ్ టీజర్ వచ్చేసింది

మోస్టో అవేటెడ్ పాన్ ఇండియా మూవీ ‘వార్‌ 2’ నుంచి క్రేజీ సాంగ్ టీజర్ వచ్చేసింది. ఇందులో యంగ్ టైగర్ ఎన్టీఆర్, హృతిక్ రోషన్ కలిసి వేసిన స్టెప్స్ ఆకట్టుకుంటున్నాయి. అయాన్ ముఖర్జీ తెరకెక్కించిన ఈ సినిమాలో వీరద్దరూ తొలిసారి కలిసి నటిస్తున్న సంగతి తెలిసిందే. దీంతో ఈ మూవీపై భారీ అంచనాలు నెలకొన్నాయి. షూటింగ్ పూర్తి చేసుకున్న ఈ మూవీ ప్రమోషన్స్ ప్రారంభించింది. ఇందులో భాగంగా గురువారం సినిమాలోని ‘సలాం అనాలి’ అంటూ సాగే సాంగ్ టీజర్ ను మేకర్స్ విడుదల చేశారు. ఈ సాంగ్ లో ఎన్టీఆర్, హృతిక్ ఇద్దరూ స్టైలీష్ డ్యాన్స్ మూవ్ మెంట్స్ తో వావ్ అనిపించారు. ఈ సాంగ్ ఫుల్ వీడియోను థియేటర్లలోనే చూసి ఎంజాయ్ చేయాలని మేకర్స్ పేర్కొన్నారు. యష్ రాజ్ ఫిలిమ్స్ బ్యానర్ పై ఆదిత్య చోప్రా నిర్మించిన ఈ సినిమాలో కియారా అద్వానీ హీరోయిన్ గా నటిస్తోంది. కాగా, ఇండిపెండెన్స్ డే కానుకగా ఈ సినిమా ఆగస్టు 14న ప్రపంచవ్యాప్తంగా తెలుగు, హిందీ, తమిళ్ భాషల్లో గ్రాండ్ గా విడుదల కానుంది.