న్యూఢిల్లీ: భారత స్టార్ బాక్సర్ ఎంసీ మేరీకోమ్ ఈ ఏడాది జులైలో జరగనున్న కామన్వెల్త్ గేమ్స్ కోసం కసరత్తు ప్రారంభించింది. ఆరుసార్లు ప్రపంచ ఛాంపియన్‌గా నిలిచిన మేరీకోమ్ పూర్తి దృష్టి బర్మింగ్‌హామ్‌లో జరగనున్న కామన్వెల్త్ క్రీడలపైనే పెట్టింది. దీని కోసం ఆమె జిమ్ లో కసరత్తులు చేస్తోంది. దీనికి సంబంధించిన మీడియాను మేరీ కోమ్ సోషల్ యాప్ కూలో షేర్ చేసింది. విజయానికి కృషి మాత్రమే అవసరం… దీనికి షార్ట్‌కట్ పద్ధతి లేదు, ప్రయత్నించినా ఫలితం ఉండదు. కష్టపడి పనిచేయాలి అని పేర్కొంది. విశేషమేమిటంటే, బాక్సింగ్ ప్రాక్టీస్ తర్వాత, మేరీ కోమ్ జిమ్‌లో పుష్-అప్స్, సిట్-అప్‌లు, అలాగే హెవీ వెయిట్ లిఫ్టింగ్ వంటి బాడీ వెయిట్ వ్యాయామాలతో మేరికోమ్ తన బలాన్ని పెంచుకోవడానికి, కండరాలను బలంగా ఉంచుకోవడానికి కష్టపడుతోంది.
కొద్ది రోజుల క్రితం ఢిల్లీలో జరిగిన నార్త్ ఈస్ట్ ఉమెన్స్ ఫుట్‌బాల్ లీగ్ ఆవిష్కరణ సందర్భంగా, ఈశాన్య రాష్ట్రాల మహిళల కోసం ఈ లీగ్‌ను నిర్వహించడం చాలా సంతోషంగా ఉందని ఆమె అన్నారు. ఈ ఈవెంట్ ఈశాన్య ప్రాంత మహిళలు ఫుట్‌బాల్ రంగంలో తమ సత్తాను చాటేందుకు వేదికను అందిస్తుంది. నేను బాక్సింగ్‌లో నా కెరీర్‌ని చేసుకున్నానని, దీంతో ఈశాన్య రాష్ట్రాల అమ్మాయిలు ముందుకు వచ్చి ఈ లీగ్‌ని ఉన్నత శిఖరాలకు తీసుకెళ్లాలని విజ్ఞప్తి చేస్తున్నానని చెప్పింది. మ‌హిళ‌ల‌ను ప్రోత్స‌హిస్తూ మేరీకోమ్ మాట్లాడుతూ.. అంద‌రూ మహిళలు ఎంతో దృఢంగా ఉన్నారని అన్నారు. అన్ని రంగాల్లోనూ మెరుగ్గా రాణిస్తున్నాం. ఆడపిల్లలందరూ ముందుకు వచ్చి క్రీడా రంగంలో మరింత మెరుగ్గా రాణించాలని విజ్ఞప్తి చేస్తున్నాను.
దేశంలో వేగంగా అభివృద్ధి చెందుతున్న క్రీడా సంస్కృతి
దేశంలో క్రీడల మౌలిక సదుపాయాల గురించి మాట్లాడుతూ.. ఇప్పుడు ప్రభుత్వంతో పాటు ప్రైవేట్ రంగం కూడా ఎంతో సహాయం చేస్తోందన్నారు. ఈ కారణంగా, దేశంలో క్రీడా సంస్కృతి వేగంగా అభివృద్ధి చెందుతోంది. అవగాహన పెరగడం వల్ల అవకాశాలు వేగంగా సృష్టించబడుతున్నాయి. ఒకప్పుడు ఎన్నో సమస్యలు ఉండేవి కానీ నేడు పరిస్థితి మారిపోయింది. ఒకప్పుడు ప్రపంచ ఛాంపియన్‌గా నిలిచినా స్లీపర్‌లో ప్రయాణించాల్సి వచ్చేదని, కానీ నేడు సౌకర్యాలు శరవేగంగా పెరిగాయని అన్నారు. ఈశాన్య రాష్ట్రాల్లో ఎంతో మంది ప్రతిభ ఉన్నారని అన్నారు. ఇలాంటి వేదికలు అందుబాటులోకి వస్తే తప్పకుండా మన దేశం క్రీడా రంగంలో వేగంగా పురోగమిస్తుంది.
Boxer Mary Kom Fitness Workouts at Gym