విగ్నేష్ రెడ్డి గవి, శ్రీ ఆశ్రిత జంటగా నటిస్తున్న సినిమా ‘రాజా రమ్యం’. విలేజ్ డ్రామా కథతో ఈ చిత్రాన్ని దర్శకుడు ప్రనిల్ గౌరీ పాగ రూపొందిస్తున్నారు. గావి ఫిలిమ్స్, సిల్లీ మాంక్స్ స్టూడియోస్ పై కోకొండ జయచందర్ రెడ్డి, సంజయ్ రెడ్డి మరియు అనిల్ పల్లాల నిర్మిస్తున్నారు. ఈ చిత్రం నుంచి తాజాగా ‘ఏమి పాపం..’ అనే లిరికల్ సాంగ్ ను విడుదల చేశారు.
ఏమి పాపం పాటకు సంగీత దర్శకుడు చరణ్ అర్జున్ సాహిత్యాన్ని అందించడంతో పాటు పాడారు. ‘ఏమి పాపం ఏమి పాపమురా…పసిపోరలు పచ్చులాయనురా..ఎవని శాపం ఎవని శాపమురా..అసలెందుకీ హెచ్చు తగ్గులురా..’అంటూ హార్ట్ టచింగ్ లిరిక్స్, ట్యూన్ తో సాగుతుందీ పాట. ఈ పాటను స్వరపర్చి ఎమోషనల్ గా పాడారు చరణ్ అర్జున్. సినిమాలో బాధాకరమైన సందర్భంలో ఈ పాట చిత్రీకరించినట్లు తెలుస్తోంది. ప్రస్తుతం షూటింగ్ తుది దశలో ఉన్న ‘రాజా రమ్యం’ సినిమా త్వరలో ప్రేక్షకుల ముందుకొచ్చేందుకు సిద్ధమవుతోంది.