తనను ఎత్తుకెళ్లి కిడ్నాప్ చేసిన ఉబర్ డ్రైవర్ ను ఓ మహిళ కాల్చిచంపిన ఘటన అమెరికాలో చోటుచేసుకుంది. ఈ ఘటనలో డ్రైవర్‌కు తీవ్రగాయాలు కావడంతో పోలీసులు నిందితురాలిపై హత్యానేరం కింద కేసు నమోదు చేశారు. ఈ సంఘటన జూన్ 16న జరిగింది. 46 ఏళ్ల ఫోబ్ కోపాస్ టెక్సాస్‌లోని క్యాసినోలో తన ప్రియుడిని కలవడానికి ఉబర్‌ను బుక్ చేసుకుంది. డ్రైవర్‌గా డేనియల్ పిడ్రా గార్సియా (52) వచ్చాడు. కారులో వస్తుండగా, కోపాస్‌కి వెళ్లే మార్గంలో, మెక్సికో సిటీలోని జుయారెజ్‌కి వెళ్లే దారిని తెలియజేసే బోర్డు కనిపించింది. డ్రైవర్ తనను కిడ్నాప్ చేసి మెక్సికోకు తీసుకెళ్తున్నాడని తప్పుగా భావించిన ఆమె తన హ్యాండ్‌బ్యాగ్‌లో ఉన్న రివాల్వర్‌ను తీసి డ్రైవర్ తలపై కాల్చింది. దీంతో కారు అదుపు తప్పి బోల్తా పడింది.
కారులోంచి సురక్షితంగా దిగిన కోపస్ ఈ వివరాలన్నీ తన ప్రియుడికి చెప్పింది. తనను కిడ్నాప్ చేసేందుకు ప్రయత్నించిన డేనియల్‌పై కాల్పులు జరిపినట్లు ఆమె పోలీసులకు ఫిర్యాదు చేసింది. దీనిపై విచారణ చేపట్టిన పోలీసులు డేనియల్ ఎలాంటి కిడ్నాప్‌కు ప్రయత్నించలేదని నిర్ధారించారు. మ్యాప్‌లో ఉబెర్ యాప్ చూపిన రూట్‌లోనే అతడు వెళ్తున్నట్లు గుర్తించారు. ఫలితంగా, కోపాస్‌పై హత్యానేరం మోపబడి, కోర్టులో హాజరుపరచగా, ఆమెకు 15 లక్షల జరిమానా విధిస్తూ తీర్పు వెలువడింది. ఈ ఘటనపై ఉబర్ దిగ్భ్రాంతి వ్యక్తం చేసింది. జీవితాంతం ఉబర్‌లో ప్రయాణించకుండా నిషేధం విధించినట్లు ఆ మహిళ తెలిపింది. మరోవైపు అత్యవసర విభాగం నుంచి డేనియల్ ఇటీవలే డిశ్చార్జ్ అయ్యారని కుటుంబ సభ్యులు వెల్లడించారు.