Thursday, January 26, 2023

వైభవంగా హలో! ‘హాల్‌ ఆఫ్‌ ఫేమ్‌ అవార్డులు– సౌత్‌’..

- Advertisement -

ఆర్‌పీ–సంజీవ్‌ గోయెంకా గ్రూప్‌ కు చెందిన హలో! మ్యాగజైన్‌ తమ మొట్టమొదటి సౌత్‌ ఎడిషన్‌ ‘హలో! హాల్‌ ఆఫ్‌ ఫేమ్‌’ అవార్డుల విజేతలను వెల్లడించింది. వినోద, వ్యాపార, ఇతర పరిశ్రమల రంగాలకు చెందిన విశిష్ట వ్యక్తులను ఈ అవార్డుల ద్వారా గుర్తించి, గౌరవించారు. ప్రారంభించిన నాటి నుంచి కూడా హలో! హాల్‌ ఆఫ్‌ ఫేమ్‌ అవార్డులు పరిశ్రమలో అత్యంత గౌరవనీయమైన అవార్డులలో ఒకటిగా వెలుగొందుతుండటంతో పాటుగా ప్రతిభను గుర్తిస్తున్నాయి. ఈ అవార్డుల వేడుకకు నగరంలోని విశిష్ట వ్యక్తులు హాజరయ్యారు. మొట్టమొదటి ‘హలో ! హాల్‌ ఆఫ్‌ ఫేమ్‌ అవార్డులు– సౌత్‌’ కార్యక్రమం హైదరాబాద్‌లో 24జనవరి 2023 న తాజ్‌కృష్ణా హోటల్‌లో జరిగింది.

‘ఏ నైట్‌ ఎట్‌ ద ఒపెరా’ నేపథ్యంతో అట్టహాసంగా జరిగిన ఈ అవార్డుల వేడుక ఫ్యాషనబల్‌, ఉన్నత, ఆధునిక పోకడలు కలిగిన వ్యక్తుల కలయికగా సాగింది. దక్షిణ భారతదేశవ్యాప్తంగా తారలు, సోషలైట్లు ఈ కార్యక్రమానికి హాజరుకావడంతో పాటుగా తమ ప్రతిష్టాత్మకమైన అవార్డులను వెంట తీసుకువెళ్లారు. అవార్డుల వేదికతో పాటుగా రెడ్‌ కార్పెట్‌ సైతం గ్లిట్జ్‌ , గ్లామర్‌, ఉత్సాహంతో నిండిపోయింది. అద్భుతమైన ప్రదర్శనల మధ్యలో విజేతలను వెల్లడించారు. ఈ కార్యక్రమానికి హోస్ట్‌గా సోఫీ చౌదరి వ్యవహరించారు.

ఈ సందర్భంగా హలో! ఎడోటిరయల్‌ ఛైర్‌పర్సన్‌ అవర్ణ జైన్‌ మాట్లాడుతూ.. ‘‘అత్యంత ప్రతిష్టాత్మకమైన హలో! హాల్‌ ఆఫ్‌ ఫేమ్‌–సౌత్‌ అవార్డులను హలో! నిర్వహించడం చాలా ఆనందంగా ఉంది. సౌత్‌ స్టార్‌డమ్‌, పవర్‌, అద్భుతమైన ప్రతిభకు సాక్షిగా నిలవడం సంతోషంగా ఉంది. ఓ బ్రాండ్‌గా హలో! ఎప్పుడూ కూడా సృజనాత్మక ప్రతిభకు మద్దతు అందించడాన్ని గౌరవంగా భావిస్తుంది. మరీ ముఖ్యంగా ఔత్సాహిక లేదా ఇప్పటికే గుర్తింపు పొందిన వ్యక్తులను ఫ్యాషన్‌, సాహిత్యం, థియేటర్‌, సినీ, క్రీడలు, దాతృత్వరంగంలో గుర్తిస్తుంటాము. హలో! హాల్‌ ఆఫ్‌ ఫేమ్‌ అవార్డులు –సౌత్‌ అనేది గత కొద్ది సంవత్సరాలుగా మేము ఏర్పరుచుకున్న సుదీర్ఘ బంధానికి ప్రతీక’’ అని అన్నారు.

హలో! హాల్‌ ఆఫ్‌ ఫేమ్‌ అవార్డులు –సౌత్‌ ద్వారా విభిన్న రంగాలలోని వ్యక్తులను గుర్తించడంతో పాటుగా దక్షిణ భారతదేశంలో ప్రతి విభాగానికీ తగిన ప్రాతినిధ్యం, వారందించిన తోడ్పాటుకు తగిన గౌరవం అందించాయి.

- Advertisement -

Related Articles

- Advertisement -

Latest Articles