హైదరాబాద్: మార్చి 26 నుంచి ప్రారంభం కానున్న ఇండియన్ ప్రీమియర్ లీగ్(ఐపీఎల్)కి సంబంధించిన కొత్త ప్రోమో ‘కూ’లో హల్ చల్ చేస్తోంది. కొత్త ఫ్రాంచైజీ ‘గుజరాత్ టైటాన్స్’ కెప్టెన్‌గా ఉన్న భారత ఆల్‌రౌండర్ హార్దిక్ పాండ్యా ప్రోమోలో ఉన్నారు. ఈ వీడియో పూర్తిగా వైరల్‌గా మారింది. ప్రోమోలో, బాంబు డిటెక్షన్, డిస్పోజల్ స్క్వాడ్‌లో భాగమైన ఇద్దరు వ్యక్తులు బాంబును నిర్వీర్యం చేయడానికి ప్రయత్నిస్తున్నారు. సాధారణ ఎనిమిది నుండి అదనంగా మరో రెండు వైర్లను చూస్తున్నందున వారు దానిని కత్తిరించాలా వద్దా అనే అయోమయంలో ఉన్నారు. ఈ ఎడిషన్ నుండి ఐపిఎల్ లో భాగమైన మరో రెండు ఫ్రాంచైజీలు- లక్నో సూపర్‌జెయింట్స్, గుజరాత్ టైటాన్స్‌లకు ఇది సూచన. గత కొన్నేళ్లుగా ఎనిమిది ఫ్రాంచైజీలు ఐపీఎల్ పోరులో ఉన్నాయి.
అదనపు వైర్లను కట్ చేయవద్దని పాండ్యా చెప్పాడు.. అయితే వారు ముందుకు వెళ్లి వాటిని కత్తిరించడంతో పేలుడు సంభవించింది. “నయే కో కమ్ మత్ సమాజ్నా. నయా కటేగా తో 100% ఫటేగా! (కొత్త ఫ్రాంచైజీలను తక్కువ అంచనా వేయవద్దు. అవి పేలిపోతాయి)” అని పాండ్యా డైలాగ్ ఆకట్టుకుంటోంది. ఐపిఎల్ 2022 ఎడిషన్ లో రెండు కొత్త ఫ్రాంచైజీలను చేర్చడంతో పాటు, అద్భుతమైన, యాక్షన్-ప్యాక్‌గా ఉంటుందని హామీ ఇచ్చింది.ఈ ప్రోమో ‘కూ’ యూజర్లలో సంచలనం సృష్టించింది. #IPLPromo, #PandyaPromo అనే హ్యాష్‌ట్యాగ్‌లను ఉపయోగించడం ద్వారా చాలా మంది వ్యక్తులు విపరీతమైన ఉత్సాహంతో ప్రతిస్పందిస్తున్నారు.
Hardik Pandya IPL 2022 Promo Viral