తేజ సజ్జ, ప్రియా ప్రకాష్ వారియర్ హీరోహీరోయిన్లుగా యస్.యస్.రాజుని దర్శకుడిగా పరిచయం చేస్తూ సూపర్ గుడ్ ఫిలిమ్స్ నిర్మిస్తోన్న చిత్రం ‘ఇష్క్’. ఆర్.బి.చౌదరి సమర్పణలో ఎన్వీ ప్రసాద్, పారస్ జైన్, వాకాడ అంజన్ కుమార్ సంయుక్తంగా నిర్మిస్తున్న ఈ చిత్రం ఈనెల 30న థియేటర్స్‌లో విడుదల కానుంది. ఈ సందర్భంగా హైదరాబాద్‌లో ఏర్పాటు చేసిన విలేకరుల సమావేశంలో ప్రముఖ నిర్మాత దిల్‌రాజు మాట్లాడుతూ “ఈనెల 30న థియేటర్లలో విడుదలవుతున్న ‘ఇష్క్’ చిత్రం సక్సెస్ కావాలని కోరుకుంటున్నాను. ప్రేక్షకులు తప్పకుండా మాస్కులు ధరించి ఈ సినిమా చూడాలని కోరుకుంటున్నాను”అని అన్నారు. దర్శకుడు యస్.యస్.రాజు మాట్లాడుతూ “కరోనా సెకండ్ వేవ్ తర్వాత థియేటర్స్‌లోకి వస్తున్న ‘తిమ్మరసు’ చిత్రం కొత్త కథతో రూపుదిద్దుకుంది. ఈ సినిమా చూసిన వాళ్లు తప్పకుండా థ్రిల్ ఫీలవుతారు”అని తెలిపారు. ఈ కార్యక్రమంలో హీరో హీరోయిన్లు తేజ సజ్జ, ప్రియా ప్రకాశ్ వారియర్, నిర్మాత వాకాడ అప్పారావు తదితరులు పాల్గొన్నారు.
Ishq Movie Unit Press Meet in Hyderabad