ఎండ్లూరి సుధాకర్ ఇకలేరు….

హైదరాబాద్: ప్రముఖ తెలుగు కవి ఆచార్య ఎండ్లూరి సుధాకర్(62) కన్నుమూశారు.  శుక్రవారం తెల్లవారు జామున ఆయన తుదిశ్వాస విడిచారని కుటుంబ సభ్యులు తెలిపారు. ఎండ్లూరి సుధాకర్ మృతితో తెలుగు సాహిత్య ప్రపంచం శోకసంద్రంలో మునిగిపోయింది.  ప్రముఖ కవి ఎండ్లూరి సుధాకర్ మృతి పట్ల రాష్ట్ర సాహిత్య అకాడమీ చైర్మన్ జూలూరి గౌరీ శంకర్ సంతాపం తెలిపారు. సాహిత్యలోకం నుంచి “కొత్త గబ్బిలం” నిష్క్రమించినా ఆయన రచనలు ఎప్పటికీ వర్తమానమే “వర్గీకరణియ గోసంగి” కవి “అటజనకాంచెగా” సాహిత్య వెలుగులు వెదజల్లుతూనే ఉంటారు. తెలుగు సాహిత్యానికి ఇష్టమైన గొప్పకవిని సాహిత్య రంగం కోల్పోయిందన్నారు. ఎండ్లూరి సుధాకర్‌ది మూల సంస్కృతి కలం. కుల అధిపత్యాల మీద విరుచుకపడ్డ ఆయన పాదముద్రలు చెరిగిపోనివి. ఎండ్లూరి రచనలకు మరణం లేదని జూలురీ గౌరీ శంకర్ తెలిపాడు.  ఆయన 1959 జనవరి 20 నిజామాబాద్ జిల్లాలోని పాముల బస్తీలో జన్మించారు.  ఎండ్లూరి దేవయ్య, శాంతాబాయి పుణ్య దంపతులకు తొలి సంతానం. కేంద్ర సాహిత్య అకాడమీ జ్యూరీ సభ్యుడు, తెలుగు సలహా మండలి సభ్యుడు, తెలుగు అకాడమీ సభ్యుడు, ప్రసిద్ధ హిందీ, ఉర్దూ పద్యాల, లఘు చిత్రాల అనువాదకుడిగా సేవలందించారు.

రచనలు: