జమ్మూ: కశ్మీర్‌లో లష్కరే తొయిబాకు చెందిన ఇద్దరు తీవ్రవాదులను జవాన్లు బారాముల్లా ఎన్ కౌంటర్లో హతమార్చారు. వారిలో ఒకరు మోస్ట్ వాంటెడ్ తీవ్రవాది యూసుఫ్ కంట్రూ ఉన్నాడు. ఆ ఇద్దరు తీవ్రవాదులు తుపాకుల ఎదురు కాల్పుల్లో మరణించారు. బారాముల్లా జిల్లాకు చెందిన కుంజర్ ప్రాంతంలో వారు హతమయ్యారు. భద్రతా దళాలకు వారికి మధ్య జరిగిన భీకర కాల్పుల్లో వారు మరణించారు. కాగా కాల్పుల్లో నలుగురు జవానులు, ఓ పోలీసు కూడా గాయపడ్డారు. కంట్రూను హతమార్చడంతో జమ్మూకశ్మీర్ లోయలో భద్రతా బలగాలకు ఓ విజయం సిద్ధించినట్టయింది. యూసుఫ్ కంట్రూ 2000 సంవత్సరం నుంచే తీవ్రవాదిగా పనిచేస్తున్నాడని పోలీసులు తెలిపారు. దాదాపు 22 ఏళ్ల పాటు తీవ్రవాదిగా పనిచేస్తున్నాడని తెలిసింది. అతడు తన జీవిత కాలంలో పౌరులు, భద్రతా బలగాలపై అనేక దాడులు నిర్వహించాడని కూడా వారన్నారు.
Lashkar's 'longest surviving' terrorist killed in #Kashmir gunfight | Watch pic.twitter.com/nMpRa17Od0
— Hindustan Times (@htTweets) April 21, 2022