మూవీ మాక్స్ బ్యానర్‌పై తాన్య దేశాయ్, అంకిత్ రాజ్, కావ్య రెడ్డి, సీనియర్ హీరో వినోద్ కుమార్ నటీనటులుగా విశ్వ దర్శకత్వంలో నిర్మాత, డిస్ట్రిబ్యూటర్ మామిడాల శ్రీనివాస్ నిర్మించిన చిత్రం ‘స్ట్రీట్ లైట్‘.ఇప్పటికే విడుదలైన ఈ చిత్రం ట్రైలర్, టీజర్, పాటలకు ప్రేక్షకుల నుండి అద్భుతమైన స్పందన వస్తోం ది. అన్ని కార్యక్రమాలు పూర్తి చేసుకున్న ఈ చిత్రం నవంబర్ 12న దీపావళికి తెలుగు, హిందీ భాషల్లో థియేటర్లలలో విడుదల కానుంది. ఈ సందర్భంగా చిత్ర నిర్మాత మామిడాల శ్రీనివాస్ మాట్లాడుతూ “స్ట్రీట్ లైట్ సినిమా చాలా బాగా వచ్చింది. మాకు ఓటిటి నుండి చాలా ఆఫర్స్ వచ్చాయి.సేవ్ థియేటర్స్ అనే కాన్సెప్ట్‌తో ఓటిటిలో కాకుం డా థియేటర్స్ లో ఈ సినిమాను దీపావళికి తెలుగు, హిందీ రెండు బాషల్లో విడుదల చేస్తున్నాము. ఈ సినిమా ఒక రాత్రి స్ట్రీట్ లైట్ కింద చీకట్లో జరిగే సంఘటనలతో దర్శకుడు ఈ సినిమాను అద్భుతంగా తెర కెక్కించారు”అని అన్నారు. చిత్ర దర్శకుడు విశ్వ మాట్లాడుతూ “రివెంజ్ డ్రామా కథాంశంతో స్ట్రీట్ లైట్ చిత్రం రూపొందించడం జరిగింది. మంచి కాన్సెప్ట్‌తో వస్తున్న ఈ చిత్రం అందరికీ తప్పకుండా నచ్చుతుంది”అని తెలిపారు.