- Advertisement -
పవన్కళ్యాణ్ ఫ్యాన్స్ ఎంతగానో ఎదురు చూస్తున్న చిత్రం ‘వకీల్ సాబ్’. ఆయన నుండి రెండేళ్ల తరవాత వస్తున్న మూవీ కావడంతో అందరిలో ఆసక్తి నెలకొని ఉంది. పవన్ కమ్ బ్యాక్ మూవీగా వస్తున్న ఈ చిత్రం ఎప్పుడో విడుదల కావాల్సి ఉంది. షూటింగ్ చివరి దశలో ఉండగా కరోనా వైరస్ కారణంగా బ్రేక్ పడింది. కేవలం 20 రోజుల షూట్ మాత్రమే మిగిలి ఉంది. ఈ చిత్రం షూటింగ్ తిరిగి ఎప్పుడు మొదలవుతుందని పవన్ అభిమానులు ఆసక్తిగా ఎదురుచూస్తున్నారు. కాగా ‘వకీల్ సాబ్’ షూటింగ్ సెప్టెంబర్లో మొదలు అవుతుందని తెలిసింది. షూటింగ్ త్వరగా పూర్తి చేసి ఈ ఏడాది చివరలో ఈ మూవీని విడుదల చేయాలనేది దర్శక నిర్మాతల ఆలోచనట. అయితే ఈ ప్రణాళికలన్నీ అమలు కావాలంటే సాధారణ పరిస్థితులు ఏర్పడితేనే జరుగుతుంది. ‘వకీల్ సాబ్’ మూవీకి శ్రీరామ్ వేణు దర్శకత్వం వహిస్తుండగా దిల్ రాజ్ నిర్మిస్తున్నాడు.
- Advertisement -