హైదరాబాద్ : మలేషియాలోని కౌలాలంపూర్‌లో జరిగిన మిస్ అండ్ మిస్టర్ గ్రాండ్ సీ వరల్డ్ 2023 పోటీల్లో తెలంగాణ
బిడ్డకు అరుదైన గౌరవం దక్కింది. ఈ అందాల పోటీల్లో హైదరాబాద్‌కు చెందిన మహతి కౌమారి మిస్ అండ్ మిస్టర్ గ్రాండ్ సి వరల్డ్ లో 2వ స్థానం దక్కించుకుంది. ఈ మేరకు జూన్ 4 నుండి 10 వరకు జరిగిన అందాల పోటీల్లో ఆమె భారతదేశం తరఫున పోటీల్లో పాల్గొంది.
మలేషియా దక్షిణాఫ్రికా సహా 15 దేశాల నుండి సుమారు 45 మంది మహిళలు ఈ అందాల పోటీల్లో పోటీ రాగా మహతి కౌమారి 2వ రన్నరప్‌గా గెలుపొందారు. ఈ సందర్భంగా గురువారం హైదరాబాద్‌లో ఏర్పాటు చేసిన మీడియా సమావేశంలో మహతి కౌమారి మాట్లాడుతూ తెలంగాణ బిడ్డగా తనకు ఈ అవకాశం రావడం అదృష్టంగా భావిస్తున్నానన్నారు. 2వ రన్నరప్‌గా నిలిచి మన రాష్ట్రానికి కాకుండా దేశానికి పేరు తెచ్చినట్లయిందన్నారు. అందాల పోటీల విషయంలో భవిష్యత్తులో తెలంగాణకు మరింత మంచి పేరు తెచ్చేందుకు కృషి చేస్తానని అన్నారు.
ఓ తెలుగు కుటుంబానికి చెందిన తాను హైదరాబాద్‌లోని ఓ ప్రైవేటు కళాశాలలో విద్యను అభ్యసించనని, ఉద్యోగ పరంగా పదేళ్ల పాటు బహుళజాతి సంస్థల్లో పనిచేసిన తర్వాత ఫ్యాషన్ డిజైనింగ్ పట్ల ఆసక్తి పెంచుకున్నానన్నారు. ఈ కార్యక్రమంలో జాతీయ డైరెక్టర్ వాలెంటినా మిశ్రా తదితరులు పాల్గొన్నారు.