ఔరంగాబాద్ : మహారాష్ట్ర బీడ్ జిల్లాలోని ఒక గ్రామంలో హోలీ పండగ సందర్భంగా ఒక సంప్రదాయాన్ని గత 90 ఏళ్లుగా పాటిస్తున్నారు. అది కొత్త అల్లుడిని గాడిదపై స్వారీ చేయించడం. స్వారీ పూర్తయిన తరువాత ఆ కొత్త అల్లుడు కోరుకున్న వస్త్రాలను కానుకగా అందిస్తారు. జౌరంగాబాద్‌కు 125 కిమీ దూరంలో బీడి కెజ్ తహశీల్ పరిధిలో విడ గ్రామం ఉంది. మంగళవారం ఆ గ్రామం కొత్త అల్లుడిని గాడిదపై స్వారీ చేయించారు. ఈ వేడుకను చూడడానికి దూర గ్రామాల నుంచి కూడా జనం వచ్చి నిరీక్షిస్తుంటారని గ్రామస్థుడు అంగద్ దేతే చెప్పారు. అల్లుడిని మూడు రోజుల పాటు గ్రామంలో ఉంచుతారు. అతను ఈ వేడుక తప్పిపోకుండా కనిపెడతారు.
ఈ ఏడాది గ్రామస్థులు దత్తాదేశ్‌ముఖ్ అనే స్థానిక పాత్రికేయుడిని ఈ వేడుక చూడడానికి ఆహ్వానించారు. 90 ఏళ్ల క్రితం గ్రామానికి చెందిన పేరైన వ్యక్తి ఆనందరావు దేశ్ ముఖ్ ఈ సంప్రదాయాన్ని 90 ఏళ్ల క్రితం ప్రారంభించారని తన అల్లుడిచే గాడిద స్వారీ చేయించారని, అదే సంప్రదాయం ఇప్పటికీ కొనసాగుతోందని దేతే చెప్పారు. కొత్తగా పెళ్లైనప్పుడు తాను కూడా ఈ సంప్రదాయాన్ని పాటించానని దేతే తెలిపారు. గాడిదపై స్వారీ గ్రామం మధ్యలో ప్రారంభమై హనుమాన్ ఆలయం వద్ద ఉదయం 11 గంటలకు గ్రామస్థులు కొత్త అల్లుడు కోరుకున్న వస్త్రాలు కానుకగా అందించడంతో వేడుక పరిసమాప్త మౌతుంది.